Ndoshta më e habitshme është Abonimet e Apple Podcast, e cila siguron qasje në pajtimet e paguara për podcaste specifike, zhbllokon opsione të ndryshme si dëgjimi pa reklama, qasja në përmbajtje ekskluzive dhe qasja e hershme në përmbajtje.

Një numër i kompanive tashmë kanë një shërbim pajtimi, duke përfshirë NPR, Los Angeles Times, Tenderfoot TV, Sony Music Entertainment dhe shumë më tepër priten, raporton forbes.

E re është edhe Apple Card Family, e cila lejon dy persona të ndajnë një Apple Card, dhe prindërit gjithashtu mund të ndajnë Apple Card e tyre me fëmijë me kufij shpenzimesh dhe kontrolle prindërore. Kjo veçori aktualisht është në dispozicion vetëm në SHBA.

Përveç kësaj, opsioni “Lost Mode” në aplikacionin “Find Me” lejon përdoruesin të lërë një numër telefoni pranë adresës së postës elektronike me të cilët mund të kontaktohet nëse dikush gjen pajisjen dhe kontrolli i zërit ju lejon të zhbllokoni iPhone me zë pasi të keni rifilluar pajisjen.

Përditësimi gjithashtu sjell zgjidhje për 43 çështje sigurie, kështu që ia vlen të shkarkohet. Nëse azhurnimi nuk ofrohet automatikisht, mund të shkarkohet duke ndjekur hapat e azhurnimit të Settings-General-Software. /Telegrafi/