Nëse i keni dëshirë Smartfonët e mëdhenj, apo siç po quhen ndryshe Phabletët (produkt në mes Tabletit dhe Telefonit), atëherë produkti Galaxy Note 4 i kompanisë Samsung mund të jetë zgjedhja e juaj.

Samsung Galaxy Note 4 doli në treg në vitin 2014 dhe është gjenerata e 4 e serisë Galaxy Note. Ky produkt vjen në disa versione:

- SM-N910F për Evropë

- SM-N910K/SM-N910L/SM-N910S - për Kore

- SM-N910C - për Azi, Evropë dhe Amerikë Jugore

- SM-N910FD - për Emiratet e Bashkuara Arabe

- SM-N910FQ - për Turqinë

- SM-N910H - për Azi dhe shtetet e Paqësorit

- SM-N910G  - për Singapor, Indi dhe Australi

- SM-N910U  - për Hong Kong, Taivan dhe Zelandën e Re

- SM-N910W8 - për Amerikën Veriore

Ndoshta për shkak të konkurencës me kompanitë e tjera dhe kritikat nga konsumatorët, Samsung vendosi që Note 4 të jetë me kornizë alumini me qoshe shëndritëse. Ky ndryshim është koxha ndryshim i madh, duke qenë produkti i parë "metalik" i Samsung-ut, për dallim nga produktet e mëhershme që ishin plastike.

Note 4 vjen me katër ngjyra të ndryshme: Të bardhë, të zezë, pembe e lehtë dhe ngjyrë ari të bronztë.

Fabrikisht përmbanë 3GB memorie Ram dhe memorie të brendshme 32GB, por që mund të shtohet deri në 128GB të tjera përmes microSD kartelës.

Posedon fuqi procesorike mjaft të lartë varësisht nga modeli që porositet.

Ka Quad-core CPU me fuqi 2.7 Ghz.

Nëse jeni të njohur me produktet e Samsung-ut të mëhershme, atëherë nga dukja nuk ka ndonjë ndryshim tjetër që bie në sy. Në pjesën e djathtë gjindet butoni ndezës/fikës, në të majtë janë butonat e zërit, pjesa e poshtme ka portin për rimbushje dhe hapsirën ku vendoset S pen, kurse në pjesën e sipërme gjindet porti për kufjet (headphones).

Pjesa e pasme përmbanë kamerën, "heartrate" sensorin dhe dritën. Gjithashtu baterinë e ndërrueshme, portin për Sim kartelë dhe mikroSD kartelë, që janë të mbuluara me kapakun i cili përmbanë një teksturë e cila jep ndjenjën e lëkurës dhe zvogëlon mundësinë e rrëshqitjes nga dora.

Pjesa e përparme tradicionale e Samsungut përmbanë "Home" butonin harduerik i cili tanimë përmbanë sensorin fingerprint, soft buttonat për kalim prapa dhe për opcione, ekranin, kamerën frontale si dhe sensorat.

Me ekran prej 5.7 inch dhe me rezolucion të lartë me dendësi prej 515 ppi (pixel per inch), me teknologjinë Quad HD - Super Amoled Display, Samsung Galaxy Note 4 është njëri prej më të mirëve në treg. Një mangësi këtu është se jo shumë aplikacione e shfrytëzojnë komplet potencialin e Quad HD, por me kohë këto aplikacione sigurisht se do të shtohen. Gjithashtu ekrani ka teknologjinë Gorilla Glass 4 e cila mbronë ekranin nga gërvishtjet. Madhësia e ekranit dhe fuqia procesorike mundësojnë fleksibilitet gjatë punës, mundësinë për të hapur disa aplikacione njëkohësisht duke ofruar një eksperiencë të shkelqyer për multitasking.

Kur kësaj i shtohet lapsi "S pen" të cilit i janë shtuar disa mundësi të reja, që tani luan rolin e një mausi kompjuterik, atëherë selektimi, prerja dhe editimi i përmbajtjes bëhet shumë i lehtë.

Kamera kryesore e Galaxy Note 4 ka 16 Mpx dhe është e aftë të bëj video me rezolucion 4K. Ky rezolucion i lartë mundëson që fotografia të duket e qartë dhe shumë e mbrehtë. Poashtu ky kualitet jep mundësinë e zmadhimit të fotografisë disa herë pa e humbur cilësinë e saj. Një tjetër përmirësim është edhe teknologjia "Optical image Stabilization" që minimizon deformimet e imazhit gjatë lëvizjes së kamerës.
Kamera frontale ka 3.7 Mpx dhe është e aftë të bëj video me 1440p.

Sa i përket sistemit operativ, Galaxy Note 4 vjen me sistemin Android 4.4.4 (KitKat) por, mund të kalohet në versionet më të reja pastaj, siç është Android 5.0 (Lolipop), kurse ndërfaqja brenda përdor sistemin tradicional të samsungut "Touchwiz".

Bateria e këtij produkti është 3220 mAh dhe mund të plotësojë nevojat ditore të përdoruesit. Përparsi është se kjo bateri është e ndërrueshme dhe personat që e përdorin këtë smartfon më intenzivisht mund të bartin me vete 2 bateri. Përparsi tjetër është se Note 4 ka rimbushësin prej 9 voltësh dhe sipas kompanisë Samsung kjo lejon rimbushjen e plotë për më pak se 100 minuta.

Sa i përket të metave, ndër më të përmendurat janë:

- Zmadhuesi i zërit është mono dhe gjindet në pjesën e prapme, për dallim nga HTC i cili njihet me zmadhues zëri mjaft cilësorë.

- Porti rimbushës nga versioni microUSB 3.0 që ishte në Note 3, tani është microUSB 2.0

- Nuk ka mbrojtje ndaj ujit

- Nuk ofron rimbushjen wireless, por mund të porositet mbulesa e pasme që e mundëson këtë gjë.

Si përfundim, nëse doni të keni Android smartfon, me ekran të madh (phablet) dhe që të keni mundësi të bëni më shumë gjëra në të, Galaxy Note 4 është zgjidhje për ju. 

Autori: Kastriot Limani (Facebook)