Por për çfarë bëhet fjalë?
Sipas mediave të huaja, përcjell Telegrafi, pavarësisht nëse e jepni telefonin tuaj “për një më të ri”, pavarësisht nëse e shisni ose e dhuroni, gjëja e parë që duhet të bëni është të fshini të gjitha të dhënat prej tij.
Kjo do të përgatisë pajisjen – android – për përdoruesin e ardhshëm, por gjithashtu do të parandalojë që të dhënat tuaja të mos bien në duar të gabuara.
Kështu, meqenëse keni transferuar së pari të gjitha të dhënat në telefonin e ri ose keni bërë një kopje rezervë, është koha për të fshirë atë të vjetrin.
Veç kësaj, fshini çdo fjalëkalim të ruajtur nga shfletuesit dhe aplikacionet tuaja. Hiqni sinkronizimin e tyre nga llogaritë e lidhura.
Hiqni kartën tuaj SIM dhe çdo memorie të jashtme.
“Dilni” nga llogaritë tuaja në Google.
“Fshini” çdo kartë pagese të lidhur me telefonin tuaj.
Kriptoni të dhënat tuaja. Një “rikthim i thjeshtë në gjendjen e fabrikës” nuk i fshin plotësisht të gjitha të dhënat nga telefoni juaj, kështu që të gjithë skedarët tuaj mund të rikuperohen lehtësisht.
Të dhënat e koduara do të thotë që edhe nëse pronari i ri i pajisjes tuaj përpiqet të rivendosë të dhënat tuaja, nuk do të jetë në gjendje t’i përdor ato. /Telegrafi/