Galaxy S21 FE ka ardhur dhe pa habi prezantoi pikërisht atë që pritej më shumë nga kjo pajisje.

Në pjesën e përparme, telefoni ka një ekran AMOLED 6.4 inç (2340 x 1080p), me shpejtësi rifreskimi 120 Hz. Pajisja përdor çipin Snapdragon 888 dhe ka mbështetje 5G.

Samsung Galaxy S21 FE 5G ka gjithsej katër kamera. Ka një sensor 32MP në pjesën e përparme, ndërsa një kamera kryesore 12MP, 12MP ultra e gjerë dhe 8MP telefoto janë të vendosura në anën e pasme.

Telefoni është i pajisur me një sërë mënyrash për të bërë foto dhe për të regjistruar video. Për shembull, kemi modalitetin e natës, i cili kombinon deri në 14 foto dhe krijon një me më shumë korniza. Ekziston gjithashtu një opsion fotografimi me shumë kamera, i cili kombinon kamerat e përparme dhe të pasme në një video.

Samsung Galaxy S21 FE 5G do të dalë në shitje nga 11 janari, me një çmim prej 749 euro për modelin me 8GB RAM dhe 128GB hapësirë ​​ruajtëse.

Ai do të jetë i disponueshëm në katër ngjyra – të bardhë, grafit, vjollcë dhe jeshile ulliri. /Telegrafi/