Së pari, ka kontrolle të ridizajnuara të përmbajtjes së medias. Ato janë të vendosura në vendin e tyre të personalizuar, midis cilësimeve të shpejta dhe njoftimeve, por miniaplikacioni i tyre tani është më i madh. Miniaplikacioni tani mund të përmbajë titullin dhe përshkrimin e këngës ose videos.

Është ridizajnuar edhe menyja e burimeve të përmbajtjes mediatike, e cila tashmë është në përputhje me gjuhën e dizajnit të Android 13. Ekziston edhe mundësia e çiftimit të një pajisjeje të re direkt nga menyja e saj.

Android 13 do t’u ofrojë përdoruesve efekte të reja në sfond. I quajtur Wallpaper Cinematic (në versionin e zhvilluesit), opsioni do t’i lejojë përdoruesit të aplikojnë efekte të reja në sfondet.

Më në fund, menaxheri i detyrave të Shërbimeve të Përparme do të jetë në fund të panelit të cilësimeve të shpejta dhe njoftimeve dhe do të shfaqë aplikacionet që aktualisht janë duke u ekzekutuar në sfond.

Përdoruesi do të jetë në gjendje të monitorojë se cilat aplikacione po funksionojnë në mënyrë aktive, si dhe t’i ndalojë ato. Përveç kësaj, FSG do të njoftojë përdoruesin nëse aplikacioni është aktiv për më shumë se 20 orë. /Telegrafi/