Pak ditë më parë, Samsung prezantoi zyrtarisht serinë e saj të telefonave “smart” Galaxy S23, ndërsa tani është një model i veçantë i quajtur Galaxy S23 Ultra BMW M Edition, i cili është frymëzuar nga modeli legjendar BMW E30 M3. Ju kujtojmë se M3 i parë u shfaq në vitin 1986.

Dizajni i paketës është frymëzuar nga vetura e famshme, por kjo nuk është e gjitha, sepse Samsung krijoi animacione të reja enkas për modelin e përmendur, të cilat shfaqen kur pajisja ndizet.

Pajisja vjen në një kuti të dizajnuar bukur e zbukuruar me temën e modelit të parë M3, ndërsa paketimi i fortë përmban një ilustrim të kapakut dhe skarës polarizuese të veshkave të gjeneratës së gjashtë aktuale.

 

BMWBlog thotë se paketa speciale përmban shtatë emblema që ilustrojnë epoka të ndryshme. Klientët do të marrin gjithashtu një varëse, një orë, ngjitëse, një poster, një orë analoge, një album dhe disa sende të tjera të vogla.

Vetëm 1000 kopje të modelit special Samsung Galaxy S23 Ultra BMW M Edition do të shiten. /Telegrafi/